Poslovne vesti - Makedonija

Samsung Galaxy Nexus промовиран во Македонија

Вип операторот и Самсунг во Скопје го претставија новиот "смарт" телефон Samsung Galaxy Nexus, само неколку месеци по светската премиера.

- Самсунг работеше непосредно со Гугл, за да ги создаде иновативните Галакси паметни телефони и таблет-компјутери и одигра клучна улога во поддршката Андроид да стане најбрзорастечки оперативен систем во светот. Убедени сме дека Samsung Galaxy Nexus ќе донесе понатамошни иновации на Андроид платформата и ќе придобие силно и успешно прифаќање од страна на пазарот - изјави Томислав Димитров, продукт менаџер, Samsung Electronics.

Според главниот извршен директор на Вип оператор, Никола Љушев, една од насоките за развој на компанијата е токму во вакви паметни телефони кои што нудат многу повеќе придобивки за корисниците.

- Вип оператор донесе многу новини на телекомуникацискиот пазар во Македонија. Почнувајќи најпрво од цените, при што може да се нарече предводник на либерализацијата на пазарот - истакна Љушев.

Тој нагласи дека Samsung Galaxy Nexus е водечки паметен телефон со извонредни технички карактеристики и воодушевувачки дисплеј. Новиот телефон, кој е веќе достапен во продажните салони на Вип оператор, се нуди за нула денари во пост-пејд тарифниот модел Вип смарт 2.990 плус Вип сурф 1 гигабајт. Цената само на телефонот изнесува 32.999 денари.

Со пазарен удел од 25 проценти на мобилниот пазар во Македонија, директорот Љушев е задоволен од исклучително добрите резултати и вели дека стратегијата што ја спроведуваат и носи резултати, нема да се менува.